Joe Cole បានប្រាប់ Chelsea ឱ្យសងសឹក Liverpool ដោយយកឈ្នះពួកគេនៅវគ្គផ្តាច់ព្រ័ត្រ FA Cup ។
ក្រុមរបស់លោក Thomas Tuchel នឹងជួបក្រុមហង្សក្រហមរបស់លោក Jurgen Klopp ក្នុងការប្រកួតវគ្គផ្តាច់ព្រ័ត្រ FA Cup នៅកីឡដ្ឋាន Wembley ក្នុងទីក្រុងឡុងដ៍នៅថ្ងៃសៅរ៍នេះ។
ក្រុមតោខៀវបានឈ្នះពានរង្វាន់ចំនួនពីររួចទៅហើយនៅរដូវកាលនេះ ដោយបានលើកពាន UEFA Super Cup និង Club World Cup ។
ទោះបីជាយ៉ាងណាក៏ដោយ ពួកគេបានរងបរាជ័យទល់នឹងក្រុមហង្សក្រហមក្នុងវគ្គផ្តាច់ព្រ័ត្រ League Cup ក្នុងខែកុម្ភៈ ដោយក្រុម Liverpool បានយកឈ្នះពួកគេ 11-10 ដោយការស៊ុតបាល់ប៉េណាល់ទីកាត់សេចក្តី។
អតីតខ្សែបម្រើស្លាបរបស់ក្រុមជម្រើសជាតិអង់គ្លេសរូបនេះ បានទស្សន៍ទាយថាក្រុមតោខៀវអាចយកឈ្នះការប្រកួតក្នុងលទ្ធផល 1-0 ដោយសារតែតិចនិករបស់លោក Thomas Tuchel៕
