បរទេស៖ នេះបើយោងតាមការចេញផ្សាយរបស់ Calciomercato បានអោយដឹងថាក្លឹប Juventus កំពុងពិភាក្សាជាមួយនឹងក្លឹប Lazio ចំពោះការផ្ទេរយកខ្សែបម្រើ Sergej Milinkovic-Savic។
ក្លឹបសេះបង្កងបានធ្វើការទំនាក់ទំនងទៅកាន់ភ្នាក់ងាររបស់កីឡាវ័យ ២៧ឆ្នាំ ដើម្បីនិយាយអំពីលក្ខខណ្ឌ ក្នុងការផ្ទេរនៅពេលទីផ្សារដោះដូរកីឡាករបើកនារដូវក្តៅខាងមុខ។
ក្លឹប Lazio កំណត់តម្លៃប្រមាន ៥៩លានផោន សម្រាប់កីឡាករ Milinkovic-Savic ប៉ុន្តែក្លឹប Juventus សង្ឃឹមថានឹងអាចចរចាបញ្ចុះតម្លៃជាមួយនឹង Lazio បាន៕
