តារាឆ្នើម Cristiano Ronaldo របស់ក្រុម Manchester United បានចូលមកការពារកូនប្រុសរបស់គាត់នៅលើបណ្តាញ Instagram បន្ទាប់ពីកីឡាករវ័យក្មេងរូបនេះ ត្រូវបានរិះគន់ចំពោះការស្លៀកពាក់របស់គាត់។
ម្តាយរបស់ Ronaldo អ្នកស្រី Maria Dolores បានបង្ហោះរូបភាពនៅលើ Instagram របស់នាងនៅក្បែរចៅប្រុស ដែលស្លៀកសំលៀកបំពាក់ដែលផលិតដោយ Adidas និង Nike ។
Ronaldo មានកិច្ចព្រមព្រៀងឧបត្ថម្ភធំជាមួយ Nike ហើយមានការឆ្លើយតបជាច្រើនទៅលើការបង្ហោះនោះ ដោយបានចង្អុលបង្ហាញពីការលាយបញ្ចូលគ្នានៃម៉ាកយីហោរបស់កូនប្រុសគាត់ ប៉ុន្តែតារា Manchester United បានបញ្ចេញមតិដើម្បីការពារ Cristiano Junior ។
គាត់បានបញ្ចេញមតិតបទៅអ្នករិះគន់វិញដោយនិយាយថា៖ «គាត់ស្លៀកអ្វីដែលគាត់ស្រលាញ់។ មិនមែនតម្រូវតាមចិត្តរបស់អ្នកនោះទេ»។ Ronaldo ដំបូងឡើយបានចុះកិច្ចសន្យាដែលឧបត្ថម្ភដោយ Nike ក្នុងឆ្នាំ 2003 ដែលជាឆ្នាំដំបូងរបស់គាត់បានចូលរួមជាមួយ Man Utd ពី Sporting CP ។
គួររំលឹកឡើងវិញដែរថា កីឡាករដែលឈ្នះ Ballon d’Or ៥សម័យកាល បានក្លាយជាអ្នកតំណាងរបស់ក្រុមហ៊ុន ហើយបានចុះហត្ថលេខាលើកិច្ចព្រមព្រៀងរយៈពេលវែងជាមួយម៉ាកសញ្ញានេះក្នុងឆ្នាំ 2016។ កិច្ចព្រមព្រៀងនេះត្រូវបានចាត់ទុកថា ជាកិច្ចព្រមព្រៀងពេញមួយជីវិត និងមានតម្លៃសរុប 780 លានផោន ឬប្រមាណ 1 ពាន់លានដុល្លារ៕
