តារាឆ្នើមរបស់ក្រុមតោខៀវ Chelsea កីឡាករ Marcos Alonso បាននិយាយថាគាត់ចង់លេងនៅ LaLiga ហើយថាគាត់អាចបើកចំហរចំពោះការវិលត្រឡប់ទៅកាន់ប្រទេសអេស្បាញវិញ។
Marcos Alonso បានផ្ទេរទៅ Chelsea ពី Fiorentina ក្នុងឆ្នាំ ២០១៦ ក្នុងកិច្ចសន្យារយៈពេល ៥ ឆ្នាំដែលត្រូវបានគេរាយការណ៍ថាមានតម្លៃ ២៤ លានផោន។ គាត់បានមានឥទ្ធិពលភ្លាមៗនៅក្នុងរដូវកាលដំបូងរបស់គាត់ក្រោមការដឹកនាំរបស់លោក Antonio Conte ដោយបានបង្ហាញខ្លួនចំនួន ៣៥ ដង និងស៊ុតបញ្ចូលទីបាន ៦ គ្រាប់សម្រាប់ក្រុមតោខៀវ។
របាយការណ៍ថ្មីៗនេះបានអះអាងថា Barcelona ចាប់អារម្មណ៍ក្នុងការធានាសេវាកម្មរបស់គាត់ ហើយកីឡាកររូបនេះក៏ត្រូវបានគេជឿថាមានទំនាក់ទំនងជាមួយ Real Madrid និង Atletico Madrid ផងដែរ។ ថ្លែងទៅកាន់ AS អំពីលទ្ធភាពនៃការលេងនៅ La Liga កីឡាករ Alonso បាននិយាយថាគាត់ចង់លេង និងបង្ហាញខ្លួននៅក្នុងលីគអេស្ប៉ាញ ប៉ុន្តែបានសារភាពថាបច្ចុប្បន្នការផ្តោតអារម្មណ៍របស់គាត់គឺទៅលើភារកិច្ចរបស់គាត់សម្រាប់ក្រុមតោខៀវ។ គាត់បាននិយាយថា៖
«ខ្ញុំចង់លេងនៅ La Liga ពេញមួយជីវិតរបស់ខ្ញុំ ខ្ញុំចង់លេងនៅប្រទេសកំណើតរបស់ខ្ញុំ ខ្ញុំចង់ជួបជុំជាមួយក្រុមគ្រួសារ ប៉ុន្តែកាលៈទេសៈគឺខុសគ្នា ហើយមិនមែនអ្វីៗទាំងអស់អាស្រ័យលើខ្ញុំនោះទេ។ នៅពេលនេះខ្ញុំកំពុងផ្តោតលើរដូវកាលនេះ»៕
