Harry Maguire បានជួបបញ្ហានៅ Manchester United ប៉ុន្តែ Ralf Rangnick ជឿថាវាគ្រាន់តែជាដំណាក់កាលមួយប៉ុណ្ណោះ។ អ្នកចាត់ការបណ្ដោះអាសន្នរបស់បិសាចក្រហម បានបន្ថែមថា ប្រព័ន្ធនេះគឺថ្មីសម្រាប់ខ្សែការពារ ខណៈដែលគាត់ធ្លាប់លេងខ្សែការពារបីនាក់ ជាមួយក្រុមជម្រើសជាតិអង់គ្លេស។
Rangnick បាននិយាយទៅកាន់ប្រព័ន្ធផ្សព្វផ្សាយ នៅមុនពេលការប្រកួតរបស់ពួកគេជាមួយ Brighton and Hove Albion នៅយប់នេះថា៖ «ខ្ញុំគិតថាបន្ទាប់ពីគាត់ត្រលប់មកវិញបន្ទាប់ពីរបួស គាត់ធ្វើបានល្អណាស់ គាត់មានទម្រង់លេងល្អណាស់ជាមួយ West Ham។ គាត់ គឺជាប្រធានក្រុមរបស់យើង ហើយខ្ញុំមិនឃើញហេតុផលណាមួយក្នុងការផ្លាស់ប្តូរនោះទេ»។
Rangnick បន្ថែមថា៖ «នេះជាអ្វីដែលថ្មីសម្រាប់គាត់ ហើយវានឹងត្រូវចំណាយពេលមួយរយៈសម្រាប់គាត់ ដើម្បីស៊ាំនឹងរឿងនោះ ហើយសម្របតាម»៕
