អ្នកចាត់ការទូទៅក្រុមញញូរធំលោក David Moyes និយាយថាកីឡាករ Kurt Zouma មិនអាចចូលរួមក្នុងការប្រកួតក្នុងលទ្ធផលស្មើ ២-២ របស់ West Ham ជាមួយ Leicester ខណៈដែលគាត់មាន “បញ្ហាក្រពះ” មុនពេលចាប់ផ្តើមការប្រកួត។
Zouma ត្រូវបានគេដាក់ឈ្មោះនៅក្នុងជម្រើស ១១ នាក់ដំបូងរបស់ Moyes សម្រាប់ការប្រកួតជើងទីពីរ ដែលកំពុងដំណើរការ បើទោះបីជាមានការលេចចេញនូវវីដេអូ ដែលបង្ហាញពីខ្សែការពាររូបនេះ បំពានលើឆ្មាសត្វចិញ្ចឹមរបស់គាត់ មុនពេលក្រុមឈ្នះ ១-០ លើ Watford ពីមុនក៏ដោយ។
ខ្សែការពារសញ្ជាតិបារាំងវ័យ ២៧ ឆ្នាំរូបនេះ ត្រូវបានពិន័យជាប្រាក់ចំនួន ២៥០,០០០ ផោន។ ប៉ុន្តែរឿងរ៉ាវបានផ្លាស់ប្តូរមួយទៀតនៅរសៀលនេះ ខណៈដែល Zouma បានប្រាប់បុគ្គលិកពេទ្យរបស់ West Ham ថាគាត់មិនអាចប្រឈមមុខនឹងក្រុម Leicester បានទេ ហើយបានជំនួសដោយកីឡាករ Issa Diap នៅឯកីឡដ្ឋាន King Power ។
នៅពេលសួរថា តើមានអ្វីកើតឡើងជាមួយកីឡាករសញ្ជាតិបារាំង Moyes បានប្រាប់ Sky Sports ថា “គាត់ឈឺក្រពះ ពេញមួយយប់មុនពេលការប្រកួត ប៉ុន្តែគាត់ចង់លេង ហើយយើងក៏ចង់ឱ្យគាត់លេងផងដែរ៕
