ជាការពិតណាស់ ការបញ្ជូនបាល់យ៉ាងល្អរបស់ Anthony Martial បានជួយឲ្យក្រុម Sevilla បង្កើនក្ដីសង្ឃឹមក្នុងការប្រជែងពាន La Liga បន្ទាប់ពីយកបានជ័យជម្នះលើ Elche ដោយលទ្ធផល ២-០ កាលពីយប់មិញ។
ក្រុមរបស់លោក Julen Lopetegui រំកិលមកក្បែរកំពូលតារាងលីគកំពូលអេស្ប៉ាញ ដោយមានគម្លាតតែ ៣ពិន្ទុប៉ុណ្ណោះពីក្រុម Real Madrid ដែលជាការរក្សាលំនឹងរបស់ពួកគេក្នុងតំណែងលេខ២។
ចំណែកឯ ក្រុមម្ចាស់ជើងឯកអធិរាជស Real Madrid នឹងត្រូវជួបតតាំងជាមួយ Villarreal នៅចុងសប្ដាហ៍នេះ ស្របពេលដែលក្រុមរបស់លោក Ancelotti ត្រូវបាត់បង់សមាជិកសំខាន់មួយរូបគឺ ខ្សែប្រយុទ្ធ Karim Benzema ដែលមានបញ្ហារបួស។
Sevilla មានឱកាសយកបាន ៣ពិន្ទុនៅ ២០នាទីចុងក្រោយនៃការប្រកួត ដោយការរកគ្រាប់បាល់ពីខ្សែបម្រើ Papu Gomez និងខ្សែប្រយុទ្ធ Rafa Mir ដែលបានតែតបញ្ចូលទីពីការបញ្ជូនដោយមិត្តរួមក្រុម Anthony Martial។
គួរជម្រាបថា Sevilla នឹងត្រូវប្រជែងពានរង្វាន់ Europa League ក្នុងពាក់កណ្ដាលសប្ដាហ៍ខាងមុខ ទល់នឹង Dinamo Zagreb មុនពេលធ្វើដំណើរទៅប្រកួតទល់នឹង Espanyol ក្នុងលីគអេស្ប៉ាញចុងសប្ដាហ៍ក្រោយ៕
សូមទស្សនាវីដេអូខាងក្រោម៖
