Real Madrid បានជ្រុះចេញពីពានរង្វាន់ Copa del Rey ក្នុងវគ្គ៨ក្រុមចុងក្រោយ ក្រោមថ្វីជើងរបស់ Athletic Bilbao ដោយលទ្ធផល ១-០ កាលពីយប់ថ្ងៃព្រហស្បតិ៍នេះ។
កីឡាករ Alex Berenguer ដែលបានប្ដូរចូលនៅដើមតង់ទី២ រកគ្រាប់បាល់ជ័យជម្នះតែមួយគ្រាប់គត់ នៅនាទីទី៨៩ ដែលធ្វើឱ្យក្រុមរបស់លោក Carlo Ancelotti អស់ឱកាសក្នុងការឆ្លងទៅវគ្គបន្ទាប់។
Bilbao កំពុងសម្លឹងឱកាសក្នុងការឈានដល់វគ្គផ្ដាច់ព្រ័ត្រ ៣រដូវកាលជាប់គ្នា។ ពួកគេជាក្រុមទី២បន្ទាប់ពី Real Zaragoza ដែលទម្លាក់ Real Madrid និង Barcelona ក្នុងការប្រកួត Cup នៅអេស្ប៉ាញ ក្នុងរដូវកាលតែមួយ។
បរាជ័យនេះ បានធ្វើឱ្យ Real Madrid បញ្ចប់ក្ដីសង្ឃឹមឈ្នះពានក្នុងស្រុកពីរ ក្នុងមួយរដូវកាល ស្របពេលដែលបច្ចុប្បន្ន ពួកគេកំពុងនាំមុខលើកំពូលតារាង La Liga ដោយមានគម្លាត ៤ពិន្ទុពីក្រុមលេខ២ Sevilla។
ដោយឡែកបីក្រុមផ្សេងទៀតរួមមាន Valencia, Real Betis និង Rayo Vallecano នឹងចួលរួមជាមួយ Bilbao ក្នុងការប្រកួតវគ្គពាក់កណ្ដាលផ្ដាច់ព្រ័ត្រ Copa del Rey ដែលការចាប់ឆ្នោតនឹងធ្វើឡើងនៅថ្ងៃទី៤ ខែកុម្ភៈនេះ៕
សូមទស្សនាវីដេអូខាងក្រោម៖
https://www.youtube.com/watch?v=bEeLD3kQwk8
