សេណេហ្គាល់បានកក់ក្ដៅអី វគ្គផ្តាច់ព្រ័ត្រ Africa Cup of Nations ជាលើកទីបីរបស់ពួកគេ ក្រោយយកឈ្នះលើក្រុមបូគីណាហ្វាសូ ដោយលទ្ធផល ៣-១ ក្នុងវគ្គពាក់កណ្ដាលផ្តាច់ព្រ័ត្រ កាលពីយប់មិញ ។
៣ គ្រាប់យប់មិញនេះរបស់សេណេហ្គាល់ បានកើតឡើងក្នុងវគ្គទី ២ ទាំងអស់ដែលរកបានដោយកីឡាករ A. Diallo នាទីទី ៧០ I. G. Gueye នាទីទី ៧៦ និង S. Mane នាទីទី ៨៧ ខណៈ ១ គ្រាប់របស់ក្រុមបូគីណាហ្វាសូ រកបានដោយកីឡាករ I. B. Toure នាទីទី ៨២ ។
យ៉ាងណាមិញ លទ្ធផល នេះបានធ្វើឲ្យសេណេហ្គាល់កក់ក្ដៅអីវគ្គផ្តាច់ព្រ័ត្រ Africa Cup of Nations ជាលើកទីបីដោយត្រូវរងចាំអ្នកឈ្នះរវាងអេហ្ស៊ីប ជាមួយនឹងកាមេរូន នៅយប់នេះ ខណៈវគ្គផ្តាច់ព្រ័ត្រនឹងធ្វើឡើងនៅថ្ងៃអាទិត្យ ៕
សូមទស្សនាវីដេអូខាងក្រោម៖
