Barcelona ត្រូវបានគេរាយការណ៍ថា កំពុងសម្លឹងមើលការចុះហត្ថលេខាលើខ្សែប្រយុទ្ធរបស់ Arsenal កីឡាករ Pierre-Emerick Aubameyang ក្នុងខែនេះ។ ខ្សែប្រយុទ្ធចាស់វស្សារូបនេះ គ្រោងនឹងចាកចេញពីក្លឹបមុនទីផ្សារដោះដូរកីឡាករបិទនៅថ្ងៃចន្ទ។
យោងតាមកាសែត The Times បានឲ្យដឹងថាក្លឹប Arsenal គ្រោងផ្តល់ Aubameyang ឲ្យទៅកាន់ Barcelona និង Sevilla ។ ក្លឹបយក្សកាតាឡានកំពុងស្ថិតក្នុងទីផ្សារសម្រាប់ខ្សែប្រយុទ្ធ ហើយបានឃើញការខិតខំប្រឹងប្រែងរបស់ពួកគេ ក្នុងការចុះហត្ថលេខាលើកីឡាករ Alvaro Morata ពីក្លឹប Juventus ប៉ុន្តែត្រូវបានបដិសេធដោយក្លឹបអ៊ីតាលី។
នៅពេលនេះ Blaugrana បានត្រៀមខ្លួនរួចរាល់ហើយ ក្នុងការបង្វែរការចាប់អារម្មណ៍របស់ពួកគេទៅកាន់អតីតប្រធានក្រុមកាំភ្លើងធំ៕
