ក្រុមបាល់ទាត់ជម្រើសជាតិអ៊ីរ៉ង់ បានធានាកៅអីឡើងទៅកាន់ព្រឹត្តិការណ៍ FIFA World Cup 2022 នៅប្រទេសកាតារ បន្ទាប់ពីបានយកឈ្នះអ៊ីរ៉ាក់ដោយលទ្ធផល ១-០ ក្នុងការប្រកួតជម្រុះក្នុងពូល A ប្រចាំទ្វីបអាស៊ី កាលពីថ្ងៃព្រហស្បតិ៍។
ខ្សែប្រយុទ្ធ Mehdi Taremi បានរកគ្រាប់បាល់ជ័យជម្នះតែមួយគ្រាប់គត់សម្រាប់ក្រុមអ៊ីរ៉ង់ ក្នុងជំនួបដ៏តានតឹងនៅកីឡដ្ឋាន Azadi ដែលជួយឱ្យពួកគេរំកិលឡើងទៅកាន់កំពូលតារាងវគ្គជម្រុះ។
សម្រាប់ជ័យជម្នះនេះ បានជួយឱ្យអ៊ីរ៉ង់ឆ្លងទៅកាន់ព្រឹត្តិការណ៍បាល់ទាត់ពិភពលោក ៣លើកជាប់ៗគ្នា បន្ទាប់ពីបានចូលរួមនៅប្រទេសប្រេស៊ីល និង រុស្ស៊ី ហើយនេះជាលើកទី៦ដែលពួកគេឈានដល់វគ្គនេះ។
បច្ចុប្បន្នអ៊ីរ៉ង់ឈរនៅកំពូលតារាងនៃពូល A ទទួលបាន១៩ពិន្ទុពីការលេង៧ប្រកួត ខណៈក្រុមលេខ២កូរ៉េខាងត្បូងក៏មានសង្ឃឹមខ្ពស់ផងដែរ ក្នុងការឆ្លងផុតវគ្គជម្រុះនេះ៕
