អតីតខ្សែបម្រើស្លាបរបស់ PSG លោក Jerome Rothen បានរិះគន់ Lionel Messi ចំពោះការខ្វះខាតទំនាក់ទំនងជាមួយលោក Mauricio Pochettino បន្ទាប់ពីធ្វើតេស្តវិជ្ជមានកូវីដ-១៩ កាលពីសប្តាហ៍មុន។
Lionel Messi មិនបានចូលរួមក្នុងការទទួលជ័យជម្នះរបស់ PSG លើក្រុម Vannes ក្នុងការប្រកួត French Cup នាពេលថ្មីៗនេះទេ ហើយបានធ្វើដំណើរត្រឡប់ទៅប្រទេសអាហ្សង់ទីនវិញដើម្បីអបអរឆ្នាំថ្មី។
ម្ចាស់ជ័យលាភី Ballon d’Or ប្រាំពីសម័យកាលបានធ្វើតេស្តវិជ្ជមានកូវីដ-១៩ កាលពីសប្តាហ៍មុននៅក្នុងប្រទេសកំណើតរបស់គាត់ ហើយបានធ្វើដំណើរត្រឡប់ទៅទីក្រុងប៉ារីសវិញកាលពីថ្ងៃពុធ។
PSG បានអះអាងនៅក្នុងសេចក្តីថ្លែងការណ៍ផ្លូវការថា Lionel Messi បានធ្វើតេស្តអវិជ្ជមានកូវីដ-១៩។ ទោះបីជាយ៉ាងណាក៏ដោយ វាមិនច្បាស់ទេថា តើកីឡាករអាហ្សង់ទីនរូបនេះនឹងមានវត្តមានសម្រាប់ការប្រកួត Ligue 1 ទល់នឹង Lyon ដែរឬទេ។
បន្ទាប់ពីការប្រកួតជាមួយ Vannes លោក Pochettino បានអះអាងថាគាត់មិនបានឮពី Messi ជាអ្វីដែលធ្វើឱ្យ Jerome Rothen ខឹង ហើយគាត់បាននិយាយថា៖ «ខ្ញុំគិតថា អ្នកត្រូវតែគោរពគ្រូបង្វឹករបស់អ្នក។ នៅពេលដែលមានរឿងបែបនេះកើតឡើងចំពោះអ្នក គ្រូបង្វឹកគឺនៅពីលើមនុស្សគ្រប់គ្នា មិនថាអ្នកជាតារាល្បី ឬអត់នោះទេ។ តាមរយៈសាររបស់គាត់ដែលគាត់និយាយថាគាត់មិនដឹងថា Messi នៅឯណា វាគ្រាន់តែមានន័យថា Messi មិនបានទាក់ទងទៅគាត់ដើម្បីពន្យល់អាការៈរបស់ខ្លួនទៅកាន់ Pochettino ។ ខ្ញុំគិតថា Messi ធ្វើបែបនេះ ពិតជាគួរឲ្យភ្ញាក់ផ្អើលខ្លាំងណាស់»៕
