បរទេស៖ នេះបើយោងតាមការចេញផ្សាយរបស់សារព័ត៌មាន The Sun បានអោយដឹងថា ក្លឹប Real Sociedad កំពុងពន្លឿនក្នុងការដោះដូរយកកីឡាករខ្សែបម្រើរបស់ក្លឹប Manchester United គឺ Juan Mata អោយបាននៅរដូវរងារនេះ។
កីឡាករវ័យ ៣៣ឆ្នាំរូបនេះ នៅសល់កុងត្រាតែ ៦ខែទៀតប៉ុណ្ណោះជាមួយនឹងខាងក្លឹប Man Utd។ ខណៈពេលរូបគេមិនអាចស្វែងរកនៅតំណែងមួយ នៅក្នុងជម្រើសដំបូងបាននោះទេ។
Sociedad សង្ឃឹមថាអាចធ្វើការបញ្ចុះបញ្ចូល United អោយធ្វើការដោះលែង Mata ដោយគ្មានតម្លៃខ្លួននៅក្នុងខែមករានេះ ស្របពេលដែលក្លឹបមានទីតាំងនៅអង់គ្លេសមួយនេះ មិនបានផ្តល់នៅកុងត្រាថ្មីអោយគាត់៕
