បរទេស៖ នេះបើយោងតាមការចេញផ្សាយរបស់ El Nacional នៅថ្ងៃទី២៧ ខែធ្នូ ឆ្នាំ២០២១នេះ បានអោយដឹងថា ក្លឹបមានទីតាំងនៅទឹកដីអេស្ប៉ាញមួយនេះ បានកំពុងតាមប្រម៉ាញ់យកខ្សែការពារខាងស្តាំរបស់ក្លឹបតោខៀវ។ ក្នុងនោះ Real Madrid នឹងដាក់ Eden Hazard ជាថ្នូរដោះដូរសម្រាប់នាំយកកីឡាករ Reece James របស់ Chelsea។
ក្រុមនៅអេស្ប៉ាញមួយនេះនឹងធ្វើការនាំយកខ្សែការពារខាងស្តាំថ្មីម្នាក់ មកជំនួសកន្លែងរបស់ Dani Carvajal។ ក្នុងនោះលោក Carlo Ancelotti ក៏បានស្នើរសុំលោក Florentino Perez អោយនាំយក James មកកាន់ក្លឹប Real។
Perez សង្ឃឹមថានឹងអាចដោះស្រាយនៅបញ្ហាចំនួន២ ក្នុងពេលតែមួយ គឺការនាំយក James មក ជាមួយនឹងការអោយ Hazard ទៅកាន់ Chelsea វិញ ជាថ្នូរក្នុងការដោះដូរ៕
