បរទេស៖ នេះបើយោងតាមការចេញផ្សាយរបស់សារព័ត៌មានវៀតណាម Zing News នៅថ្ងៃទី២៦ ខែធ្នូ ឆ្នាំ២០២១ បានអោយដឹងថាគ្រូបង្វឹក Alexandre Polking របស់ក្រុមជម្រើសជាតិថៃ បានសរសើរកូនក្រុមរបស់ខ្លួនដែលអាចឡើងទៅលេងវគ្គផ្តាច់ព្រ័ត្រក្នុងពានរង្វាន់ AFF Cup។ បន្ទាប់ពីបានយកឈ្នះក្រុមវៀតណាមទាំង ២ជើងក្នុងលទ្ធផល ២ទល់នឹង០ ក្នុងវគ្គពាក់កណ្តាលផ្តាច់ព្រ័ត្រ។
ក្នុងនោះលោក Polking បានបញ្ជាក់ថា “ខ្ញុំមានមោទនភាពចំពោះកីឡាកររបស់ខ្ញុំ។ ពួកគេលេងការពារបានល្អ។ ខ្ញុំ និងក្រុមទាំងមូលសប្បាយចិត្តដែលបានឡើងបន្តទៅវគ្គផ្តាច់ព្រ័ត្រ។ ពួកគេបានបង្ហាញស្មារតីនៃការលេងរបស់ពួកគេ ហើយការពារយ៉ាងល្អក្នុងការលេងបាល់ខ្ពស់ និងការដាក់សម្ពាធពីភាគីម្ខាងទៀត”៕
