អតីតវីរបុរសក្រុម Manchester United លោក Park Ji-Sung កំពុងទទួលតួនាទីបង្វឹកក្រុម U16 របស់ក្រុម QPR ក្នុងនាមជាគ្រូបង្វឹកកាន់អាជ្ញាប័ណ្ណ B License ។
បុរសសញ្ជាតិកូរ៉េខាងត្បូង វ័យ ៤០ឆ្នាំរូបនេះ បានចំណាយពេលនៅ Manchester United និង QPR បច្ចុប្បន្នកំពុងទទួលការបណ្តុះបណ្តាលពីសំណាក់គ្រូបង្គោលលោក Chris Ramsey ។
ថ្លែងទៅកាន់គេហទំព័រផ្លូវការរបស់ QPR លោក Park បាននិយាយថា «ក្នុងនាមជាកីឡាករម្នាក់លេងឱ្យ QPR ខ្ញុំពិតជាចាប់អារម្មណ៍ខ្លាំងណាស់ ដែលបានឃើញពួកគេមានចក្ខុវិស័យ ក្នុងការបណ្តុះបណ្តាលយុវជនក្មេងៗបានច្បាស់លាស់ ។ ខ្ញុំបានរៀនសូត្រជាច្រើន ពីសំណាក់កីឡាករ និងគ្រូបង្វឹកនៅទីនេះ»៕
