ការប្រកួតក្របខណ្ឌ Premier League រវាង Manchester United ទល់នឹង Brentford ត្រូវបានលើកពេល បន្ទាប់ពីបានរកឃើញកីឡាកររបស់ក្រុមបិសាចក្រហមមានវិជ្ជមានកូវីដ-១៩ រហូតដល់ទៅបួននាក់។
ជាការពិតណាស់ Man Utd គឺជាក្រុមចុងក្រោយបង្អស់ដែលរងគ្រោះដោយសារមេរោគកូវីដ-១៩ បន្ទាប់ពីក្រុមកីឡាករបួននាក់ និងបុគ្គលិករបស់ក្លិបបានតេស្តវិជ្ជមានកូវីដ-១៩ និងត្រូវបានក្លិបបញ្ជូនមកផ្ទះវិញ ហើយក្លិបលុបនូវការហ្វឹកហាត់ទាំងអស់ផងដែរ។
ក្លិបបិសាចក្រហម Man Utd បានចេញសេចក្តីប្រកាសដែលមានខ្លឹមសារដូចខាងក្រោម៖ «Manchester United សូមបញ្ជាក់ថា ការប្រកួតរបស់ពួកយើងទល់នឹង Brentford នឹងត្រូវបានលើកពេល។ បន្ទាប់ពីមានការបញ្ជាក់ពីការធ្វើតេស្តម៉ាស៊ីនធំ PCR បានរកឃើញលទ្ធផលវិជ្ជមានទៅលើក្រុមកីឡាករ និ បុគ្គលិករបស់ពួកយើង។ ពួកយើងបានសម្រេចចិត្តបិទទីលានហ្វឹកហាត់ Carrington ចំនួន២៤ម៉ោង ដើម្បីជួយកាត់បន្ថយហានិភ័យនៃការឆ្លងបន្ថែមទៀត ហើយបុគ្គលដែលបានធ្វើតេស្តវិជ្ជមានគឺស្ថិតនៅដាច់ដោយឡែក»៕
