យោងតាមការចុះផ្សាយរបស់ El Nacional បានឲ្យដឹងថាក្លឹប Manchester United កំពុងពិចារណាលើការផ្លាស់ប្តូរដែលមានតម្លៃ ៨៥ លានអឺរ៉ូសម្រាប់កីឡាករ Frenkie de Jong។ បិសាចក្រហមត្រូវបានគេរំពឹងថានឹងចុះហត្ថលេខាលើខ្សែបម្រើថ្មីនៅឆ្នាំក្រោយ ហើយបានកំណត់អត្តសញ្ញាណ Frenkie de Jong ជាគោលដៅដែលដែលមានសក្តានុពលបំផុត។
Barcelona ត្រូវបានគេរំពឹងថានឹងដកកីឡាករវ័យ ២៤ ឆ្នាំរូបនេះចេញ ដើម្បីដោះស្រាយបញ្ហាហិរញ្ញវត្ថុរបស់ពួកគេ។ Manchester United ត្រូវបានគេរាយការណ៍ថាបានដាក់សំណើរ ៥៥ លានអឺរ៉ូសម្រាប់កីឡាករសញ្ជាតិហូឡង់ តែត្រូវបានបដិសេធដោយ Barca ។
ទោះជាយ៉ាងណាក៏ដោយ បិសាចក្រហមឥឡូវនេះបានត្រៀមខ្លួនរួចរាល់ហើយ ដើម្បីសាកល្បងចូលទៅចរចាជាមួយ Barcelona ជាថ្មី ដោយត្រលប់មកវិញជាមួយនឹងការផ្តល់ជូនដ៏ល្អប្រសើរជាងពេលមុន៕
