តារាស៊ុតមកពីអាស៊ី Son Heung-min បានបង្ហាញទម្រង់លេងយ៉ាងល្អឥតខ្ចោះ នៅជំនួបរវាងក្លឹប Tottenham Hotspur និង Norwich City នៅឯកីឡដ្ឋានក្នុងទីក្រុងឡុង សម្រាប់ជំនួបជុំទី ១៤ នៅក្របខ័ណ្ឌ Premier League កាលពីយប់មិញ។
ក្រុមម្ចាស់ផ្ទះ Spurs បានយកឈ្នះ ៣-០ ដែល ៣ ពិន្ទុនេះរុញឲ្យពួកគេរំកិលឡើងមកឈរលេខ ៥ មាន ២៥ ពិន្ទុនៅចាញ់ West Ham តែ ២ ពិន្ទុប៉ុណ្ណោះ (នៅសល់ការប្រកួតក្នុងដៃមួយទៀតសម្រាប់ Spurs)។ រីឯកីឡាករល្អបំផុតប្រចាំការប្រកួត (Man Of The Match) គឺបានទៅលើ Son Heung-min។
ក្នុងការប្រកួតនេះ ខ្សែប្រយុទ្ធស្លាបកូរ៉េខាងត្បូងលេងបានយ៉ាងល្អទាំងការ Assist ការរកគ្រាប់បាល់ ការលើក Free-Kick ការលើក Corner បង្កើតឱកាសជាបន្តបន្ទាប់ឲ្យមិត្តរួមក្រុម។ ជាងនេះគេក៏មានស្ថិតិបញ្ជូនបាល់ស្អាត ៤ លើក និងស៊ុត ៣ លើកផងដែរ។
នៅនាទីទី ១០ Son គឺជាអ្នក Assist ឲ្យ Lucas Moura រកបានគ្រាប់បាល់បើកឆាក រីឯគ្រាប់បាល់ទី ២ របស់ Davinson Sanchez ក៏បាន Son នេះជាអ្នកលើក Corner ផងដែរ ហើយគ្រាប់បាល់ទី ៣ ធ្វើបានដោយ Son ផ្ទាល់ តាមរយៈការស៊ុតក្នុងប្រអប់ ដ្បិតមានការតាមប្រជែងពីខ្សែការពារក្រុម Norwich៕
សូមទស្សនាវីដេអូខាងក្រោម៖
