លោក Pep Guardiola ទទួលបានជ័យជម្នះជាលើកទី ១៥០ ក្នុងក្របខ័ណ្ឌ Premier League ក្នុងនាមជាគ្រូបង្វឹក Manchester City កាលពីយប់ថ្ងៃពុធ ហើយបានក្លាយជាអ្នកចាត់ការលឿនបំផុត ក្នុងការសម្រេចបាននូវស្នាដៃនេះ។
អ្នកចាត់ការសញ្ជាតិអេស្ប៉ាញរូបនេះ បានដឹកនាំក្រុមជើងឯករបស់គាត់ ឲ្យស្ថិតនៅក្នុងចំណាត់ថ្នាក់លេខ ២ តាមពីក្រោយក្រុមកំពូលតារាង Chelsea ជាមួយនឹងជ័យជម្នះយ៉ាងលំបាកក្នុងលទ្ធផល ២-១ លើក្រុម Aston Villa របស់ Steven Gerrard ។
ជាការពិតណាស់ ការស្រាវជ្រាវពីលោក William Hill បានរកឃើញថា ជ័យជម្នះក៏បានធានាថាលោក Guardiola មានអត្រាឈ្នះ ៧៤ ភាគរយ ពីការប្រកួតចំនួន ២០៤ លើករបស់លោក។ បន្ទាប់ពីទទួលជ័យជម្នះ ១៥០ ដង លោក Mourinho ទទួលបានអត្រាឈ្នះ ៦៥ ភាគរយ ដោយលោក Ferguson ទទួលបាន ៦១ ភាគរយ និង Wenger ទទួលបាន ៥៨ ភាគរយ៕
