Cristiano Ronaldo ជាកីឡាករលំដាប់ពិភពលោកម្នាក់ ដែលនិយមប្រើប្រាស់រថយន្តស៊េរីទំនើបៗ ប៉ុន្តែតារាឆ្នើមព័រទុយហ្គាល់រូបនេះអាចនឹងត្រូវបានហាមឃាត់ មិនឱ្យចូលទីលានហ្វឹកហាត់របស់ Manchester United ជាមួយរថយន្តដ៏ប្រណីតរបស់គាត់ទេ។
គ្រូបង្វឹកបណ្ដោះអាសន្នថ្មី Ralf Rangnick មានវិន័យតឹងរ៉ឹងសម្រាប់ក្លឹបណាដែលគាត់បំរើការឱ្យ លើបញ្ហាដែលទាក់ទងនឹងការលេង និងសកម្មភាពក្រៅក្លឹប ហើយពេលគាត់បំពេញតួនាទីនៅ Man Utd ក៏ដូចគ្នាដែរ។
ខណៈពេលដែលគាត់ធ្វើការឲ្យក្លឹប RB Leipzig លោក Rangnick តម្រូវឲ្យកីឡាករទាំងអស់ប្រើប្រាស់រថយន្តរបស់ក្លឹប ហើយយោងតាមសារព័ត៌មាន Mirror បានអះអាងថា គោលការណ៍នេះអាចត្រូវបាននាំយកមកអនុវត្តន៍នៅបិសាចក្រហម ផងដែរ។
Ronaldo បានប្រើប្រាស់រថយន្តទំនើបៗ ដែលមានតម្លៃជាង ២០ លានអឺរ៉ូ រួមទាំង Ferraris, Lamborghinis និងថ្មីៗនេះរថយន្តមួយគ្រឿងទៀតម៉ាក Bentley តម្លៃ ៣០០,០០០ អឺរ៉ូ ដែលគាត់ត្រូវបានគេថតបាននៅពេលគាត់ជិះទៅកន្លែងហ្វឹកហាត់របស់ក្លឹប។
គ្រូបង្វឹកកន្លងមករបស់គាត់មានទំនោរផ្តល់ឱ្យគាត់នូវសេរីភាពកាន់តែច្រើននៅក្នុង និងក្រៅទីលាន ដោយសារតែឋានៈជាតារាឆ្នើមរបស់គាត់ និងសារៈសំខាន់របស់គាត់ចំពោះក្រុម ប៉ុន្តែគ្រូបង្វឹកសញ្ជាតិអាឡឺម៉ង់ដែលចូលមកនេះ មិនដែលធ្វើការលើកលែងសម្រាប់កីឡាករម្នាក់ណាទេ នោះមានន័យថាវាអាចមានភាពតានតឹងខ្លះៗសម្រាប់ CR7។
តើលោក Rangnick គួរតែដាក់ច្បាប់បែបនេះនៅ Man Utd ឬទេ0x017d7 កីឡាករទំនងជាត្រូវប្រើប្រាស់រថយន្តម៉ាក Chevrolet សម្រាប់ធ្វើដំណើរទៅកាន់កន្លែងហ្វឹកហាត់ ទោះបីជាក្រុមហ៊ុនលែងឧបត្ថម្ភក៏ដោយ ក៏នៅតែជាដៃគូផ្លូវការរបស់បិសាចក្រហមដដែល៕
សូមទស្សនាវីដេអូខាងក្រោម៖
