អ្នកចាត់ការក្រុម Real Madrid លោក Carlo Ancelotti បានសរសើរ Vinicius Jr ដោយអះអាងថា ខ្សែប្រយុទ្ធប្រេស៊ីលរូបនេះអាចឈ្នះ Ballon d’Or នាពេលអនាគត។
Vinicius បានទាក់ទាញចំណាប់អារម្មណ៍ក្នុងការឈ្នះ ២-១ របស់ Real Madrid ទល់នឹង Sevilla ដោយបានស៊ុតបញ្ចូលទីមិនគួរឱ្យជឿ ដើម្បីឈ្នះការប្រកួតសម្រាប់ក្រុម Los Blancos ។ លទ្ធផលនេះបានជួយឱ្យក្រុមរបស់លោក Ancelotti បន្តការនាំមុខរបស់ពួកគេនៅលើកំពូលតារាង La Liga រហូតដល់ ៤ ពិន្ទុ។
នៅពេលសួរអំពីទម្រង់លេងរបស់ Vincius លោក Ancelotti បាននិយាយថា គាត់ពិតជាមានការភ្ញាក់ផ្អើលយ៉ាងខ្លាំងចំពោះសមត្ថភាពស៊ុតបញ្ចូលទីរបស់កីឡាករប្រេស៊ីល។
លោក Ancelotti បាននិយាយថា៖ «គ្រាប់បាល់ដ៏អស្ចារ្យ កីឡាករម្នាក់ដែលជើងដ៏ពេសេស។ អ្វីដែលធ្វើឱ្យខ្ញុំភ្ញាក់ផ្អើលអំពី Vinicius គឺគុណភាពដែលគាត់មានក្នុងការស៊ុតបាល់បញ្ចូលទី»៕
