Neymar នឹងអវត្តមានសម្រាប់ Paris Saint-Germain ដោយត្រូវសម្រាកព្យាបាលរបួសកជើងឆ្វេងរយៈពេល ៨ សប្តាហ៍។ នេះបើយោងតាមការបញ្ជាក់ពីក្លឹបយក្សបារាំងមួយនេះ។
ខ្សែប្រយុទ្ធកំពូលញាក់វ័យ ២៩ ឆ្នាំរូបនេះ ត្រូវបានបង្ខំឱ្យសែងចេញពីទីលាន បន្ទាប់ពីបានប៉ះទង្គិចដោយចៃដន្យអំឡុងពេលការប្រកួត Ligue 1 ជាមួយ Saint-Etienne។
PSG បាននិយាយនៅក្នុងសេចក្តីថ្លែងការណ៍មួយនៅលើគេហទំព័រផ្លូវការរបស់ក្លឹបថា៖ «ការពិនិត្យដែលបានធ្វើឡើងបានបញ្ជាក់ថា Neymar Jr រងរបួសកជើងខាងឆ្វេង។ នឹងត្រូវសម្រាកពី ៦ ទៅ ៨ សប្តាហ៍»។
ទន្ទឹមនឹងនោះ Neymar ក៏បានបង្ហោះនៅលើប្រព័ន្ធផ្សព្វផ្សាយសង្គមថា៖ «ជាអកុសល ភាពលំបាកទាំងនេះ គឺជាផ្នែកមួយនៃជីវិតរបស់អត្តពលិក។ ឥឡូវនេះអ្នកត្រូវងើបមុខរបស់អ្នក ហើយបន្តទៅមុខ។ ខ្ញុំនឹងត្រលប់មកវិញកាន់តែប្រសើរ និងរឹងមាំជាងមុន»៕
