ពិណាស់ Sergio Ramos និង Lionel Messi ជាគូប្រជែងស៊ីសាច់ហុតឈាមជាមួយគ្នាជាច្រើនឆ្នាំមកហើយ នៅលើទីលានប្រកួត កាលពួកគេជាកីឡាកររបស់ Real Madrid និង Barcelona ប៉ុន្ដែពួកគេពេលនេះជាមិត្តរួមក្រុមនៅ Paris Saint-Germain។
ខ្សែការពារអេស្ប៉ាញ និងខ្សែប្រយុទ្ធអាហ្សង់ទីន បានលេងជាមួយគ្នាក្នុងក្រុមតែមួយជាលើកដំបូងកាលពីថ្ងៃអាទិត្យ ដោយ Ramos បង្ហាញខ្លួនលើកដំបូង ក្នុងការប្រកួតដែល PSG យកឈ្នះ Saint-Etienne។
Ramos បាននិយាយបន្ទាប់ពីការប្រកួតបញ្ចប់ អំពីការលេងក្នុងក្រុមជាមួយ Messi។ ខ្សែការពារពោរពេញដោយបទពិសោធន៍រូបនេះនិយាយថា៖ «គេស្ថិតនៅទម្រង់ល្អ ហើយខ្ញុំគិតថា គេជាប្រភេទកីឡាករដែលផ្លាស់ប្ដូរការប្រកួត។ គេជាកីឡាករដែលគ្មាននរណាដូច ហើយវាជាកិត្តិយសណាស់ ដែលមានគេលេងនៅក្នុងក្រុម»។
«ខ្ញុំគិតថា បន្ដិចម្ដងៗ យើងម្នាក់ៗនឹងនាំយកគុណភាពរៀងៗខ្លួន ដើម្បីឱ្យ Paris Saint-Germain កាន់តែខ្លាំង ហើយជោគជ័យនូវអ្វីដែលយើងចង់សម្រេច»។ ពាក់ព័ន្ធនឹងលទ្ធភាពដែល Messi អាចឈ្នះ Ballon d’Or អតីតប្រធានក្រុម Real Madrid និយាយថា៖ «មែនហើយ ជាការពិតខ្ញុំនឹងការពារអ្នកដែលនៅក្នុងក្រុម។ ខ្ញុំជូនពរគេសំណាងល្អនៅក្នុងលោក»៕
