អតីតបេក្ខជនប្រធានក្លឹប Barcelona លោក Toni Freixa បានជំរុញឱ្យក្លឹបតាមប្រមាញ់យកតារាឆ្នើម Cristiano Ronaldo របស់ក្រុម Manchester United ។ Freixa ជឿជាក់ថាក្លឹបយក្សកាតាឡានគួរតែព្យាយាមចុះហត្ថលេខាលើតារាឆ្នើមសញ្ជាតិព័រទុយហ្គាល់នេះ ដោយសារស្ថានភាពដែលក្លឹបទាំងពីរកំពុងប្រឈមមានលក្ខណៈស្រដៀងគ្នា។
ថ្លែងទៅកាន់ AS លោក Freixa ត្រូវបានសួរអំពីការផ្លាស់ប្តូរដ៏មានសក្តានុពលរបស់ Cristiano Ronaldo ទៅ Barcelona ។ គាត់បាននិយាយថា៖ «បើមានពេល ខ្ញុំនឹងធ្វើរឿងឆ្កួតៗនេះ»។
Freixa ជឿជាក់ថាការតស៊ូដែល Manchester United បានឆ្លងកាត់ក្នុងរដូវកាលនេះអាចបង្ខំ Cristiano Ronaldo ឱ្យវាយតម្លៃស្ថានភាពរបស់គាត់ឡើងវិញនៅក្លឹប។ តារាឆ្នើមសញ្ជាតិព័រទុយហ្គាល់បានត្រលប់ទៅ Old Trafford ពី Juventus កាលពីដើមរដូវក្តៅនេះ។
Cristiano Ronaldo បានក្លាយជាកីឡាករល្អបំផុតរបស់ Manchester United នៅរដូវកាលនេះ ដោយបានស៊ុតបញ្ចូលទីបានប្រាំបួនគ្រាប់នៅគ្រប់ការប្រកួត។ ក្រុមបិសាចក្រហមបច្ចុប្បន្នកំពុងឈរនៅលេខរៀងទី ៦ ក្នុងក្របខ័ណ្ឌ Premier League ដោយមាន ៥ ពិន្ទុពីក្រុមកំពូលទាំងបួន។
ទម្រង់លេងមិនល្អនេះបានធ្វើឱ្យ Ole Gunnar Solskjaer ស្ថិតនៅក្រោមសម្ពាធយ៉ាងខ្លាំង។ អ្នកគាំទ្រក្លឹប Manchester United ជាច្រើនបានស្នើរសុំឱ្យក្លឹបបណ្តេញអ្នកចាត់ការសញ្ជាតិន័រវេសរូបនេះ ចេញពីតំណែងក្នុងរយៈពេលប៉ុន្មានសប្តាហ៍ថ្មីៗនេះ៕
