អតីតខ្សែបម្រើក្រុម Arsenal លោក Paul Merson ជឿជាក់យ៉ាងមុតមាំថា Manchester United នឹងល្អប្រសើប្រសិនបើមិនដាក់ Cristiano Ronaldo នៅក្នុងជម្រើស ១១នាក់ដំបូង ។
យោងតាម Merson ក្លឹប Manchester United បានព្យាយាមប្រើប្រាស់ទម្រង់លេងវាយបក ខណៈដែល Cristiano Ronaldo មិនបានប្រឹងប្រែងរត់ទៅមុខ។
ថ្លែងទៅកាន់ Soccer Saturday លោក Paul Merson បាននិយាយថា៖ «ខ្ញុំផ្ទាល់គិតថា Man Utd គឺជាក្រុមបាល់ទាត់ដែលល្អ ប្រសិនបើគ្មាន Cristiano Ronaldo ។ ពួកគេមានល្បឿនវាយបកលឿនកាលពីឆ្នាំមុន ហើយឥឡូវនេះ Ronaldo មិនមានល្បឿនលឿនដូចមុនទៀតនោះទេ»។
Paul Merson ក៏បានអះអាងដែរថា មិនមានការធានាអំពី Manchester United នឹងមានរដូវកាលដ៏ជោគជ័យជាមួយ Cristiano Ronaldo នៅក្នុងក្រុមរបស់ពួកគេនោះទេ។ គាត់បានបន្ថែម៖ «តើអ្វីជាចំណុចសំខាន់ក្នុងការមានខ្សែប្រយុទ្ធរកបាន ២០ គ្រាប់ក្នុងមួយរដូវកាល ប្រសិនបើអ្នកមិនឈ្នះអ្វី0x017d7 វាដូចជា Harry Kane នៅ Spurs អញ្ចឹង។ ការដែលខ្សែប្រយុទ្ធស៊ុតបញ្ចូលទីបានច្រើនគ្រាប់ មិនធានាថាអ្នកជាប់ចំណាត់ថ្នាក់កំពូលទាំងបួននោះទេ»៕
