លោក Gary Neville បានបង្ហាញប្រតិកម្មយ៉ាងខ្លាំង និងបានធ្វើការរិះគន់មិនសំចៃមាត់ ចំពោះកីឡាករ Harry Maguire បន្ទាប់ពីប្រធានក្រុមរូបនេះបានបង្ហោះសារក្នុងបណ្តាញសង្គមទៅកាន់អ្នកគាំទ្រ។
វាមិនមែនជាលើកទីមួយទេ ដែលអតីតខ្សែការពារបិសាចក្រហមលោក Gary Neville និយាយរឿងនេះ ដោយអតីតកីឡាករជម្រើសជាតិអង់គ្លេសរូបនេះ បានខកចិត្តដែលបុគ្គលមានកេរ្តិ៍ឈ្មោះខ្ពស់ មិនត្រូវបានអនុញ្ញាតឱ្យបង្ហោះសារផ្ទាល់ខ្លួនរបស់ពួកគេ។
Maguire បានបង្ហោះសារថា៖ «ក្នុងនាមជាក្រុមកីឡាករ យើងកំពុងឆ្លងកាត់រយៈពេលដ៏លំបាក។ យើងដឹងហើយ និងទទួលយកថា នេះគឺគ្មានកន្លែងណាដែលល្អគ្រប់គ្រាន់ទេ។ យើងមានអារម្មណ៍ថាខកចិត្ត យើងកំពុងធ្វើអ្វីគ្រប់យ៉ាងដែលយើងអាចធ្វើបាន។ អរគុណសម្រាប់ការគាំទ្រ UNITED របស់អ្នក»។
Neville បានឆ្លើយតបដោយប្រតិកម្មថា «គួរតែយកម្នាក់នេះចេញឲ្យឆ្ងាយ កុំព្យាយាមបង្កើតមនុស្សយន្តនៅលើទីលាន។ វាជាក្លឹបបាល់ទាត់ មិនមែនជាគណៈបក្សនយោបាយនោះទេ»៕
