អនាគតរបស់ខ្សែការពារ Andreas Christensen នៅក្លិប Chelsea កំពុងជួបស្ថានភាពមិនច្បាស់លាស់ ក្រោយមិនទាន់ចរចាត្រូវរូវគ្នាដាច់ស្រេចនៅឡើយ។
យោងតារបាយការណ៍បានឱ្យដឹងថា ខ្សែការពារដាណឺម៉ាកវ័យ ២៥ឆ្នាំរូបនេះ បានចរចាលើការបន្ដកិច្ចសន្យាថ្មីពីរខែមកហើយ ស្របពេលស្ថានភាពរបស់គេ កាន់តែមានការវិត្តទៅមុខ។
ខ្សែការពារកណ្ដាលរូបនេះ នឹងផុតកិច្ចសន្យាជាមួយ Chelsea នៅដំណាច់រដូវកាលនេះ ដែលមានន័យថា ក្លិបនឹងព្យាយាមតកុងត្រាឱ្យគេជាចាំបាច់ បើមិនដូច្នោះទេ ពួកគេនឹងបាត់បង់កីឡាករកំពុងឡើងកូដរូបនេះ ដោយមិនបានថ្លៃផ្ទេរសូម្បីមួយសេន។
មកទល់នឹងពេលនេះ សំណើកិច្ចសន្យាថ្មីរបស់ Chelsea អាចធ្វើឱ្យ Christensen ក្លាយជាកីឡាករដែលមានថ្លៃឈ្នួលទាបបំផុត ដែលជះផលមិនល្អដល់ការបន្ដកិច្ចសន្យាថ្មីរបស់កីឡាកររូបនេះឡើយ។
សូមបញ្ជាក់ថា ក្រៅពីជួយ Chelsea ឈ្នះ UEFA Champions League និង UEFA Super Cup ខ្សែការពារវ័យ២៥ឆ្នាំរូបនេះ ក៏ជាកម្លាំងស្នូលដែលជួយក្រុមជម្រើសជាតិដាណឺម៉ាក ឈានដល់វគ្គពាក់កណ្ដាលផ្ដាច់ព្រ័ត្រ EURO 2020 និងមានកៅអីលេងនៅជុំផ្ដាច់ព្រ័ត្រ FIFA World Cup ផងដែរ៕
