ខ្សែបម្រើ Paul Pogba របស់ក្រុម Manchester United បានបញ្ចេញមតិលើបណ្តាញទំនាក់ទំនងសង្គម ដើម្បីឆ្លើយតបទៅនឹងការបរាជ័យយ៉ាងអាម៉ាស់ក្នុងលទ្ធផល 5-0 ក្រោមដៃគូប្រជែងដ៏ខ្លាំង Liverpool ក្នុងក្របខ័ណ្ឌ Premier League ។
នៅក្នុងការបង្ហោះលើប្រព័ន្ធផ្សព្វផ្សាយសង្គមរបស់គាត់ Pogba បានជំរុញឱ្យមិត្តរួមក្រុម Manchester United របស់គាត់ងើបចេញពីការខកចិត្តរបស់ពួកគេ ហើយឈានទៅទទួលបានលទ្ធផលល្អប្រសើរនាពេលអនាគត។ Paul Pogba បាននិយាយថា៖ «ពួកយើងកុំសោកស្តាយ… ងើបឡើង ឈានទៅមុខ ធ្វើឱ្យថ្ងៃបន្ទាប់កាន់តែប្រសើរឡើង!»។
បញ្ជាក់ផងដែរ Paul Pogba លេងបានតែ ១៥ នាទីប៉ុណ្ណោះ។ ខ្សែបម្រើដែលឈ្នះពាន World Cup រូបនេះត្រូវបានបណ្ដេញចេញពីទីលាននៅនាទីទី 60 បន្ទាប់ពីមានការប្រជែងមិនប្រុងប្រយ័ត្នលើ Naby Keita ។ ឧបទ្ទវហេតុនេះបានធ្វើខ្សែបម្រើរបស់ Liverpool ត្រូវបានសែងចេញពីទីលាន៕
