Cristiano Ronaldo បានរកគ្រាប់បាល់ក្នុងជ័យជម្នះ ៣-២ របស់ក្រុមបិសាចក្រហម Manchester United លើក្រុម Atalanta ក្នុងក្របខ័ណ្ឌ Champions League ។ ប្រធានក្រុមបិសាចក្រហមកីឡាករ Harry Maguire បានកោតសរសើរតារាឆ្នើមសញ្ជាតិព័រទុយហ្គាល់ ចំពោះការខិតខំប្រឹងប្រែងដ៏អស្ចារ្យរបស់គាត់។
Maguire បាននិយាយថា៖ «ខ្ញុំបានសម្លឹងមើលគាត់គ្រប់ពេល។ ខ្ញុំនៅពីក្រោយគាត់។ ការលោតរបស់គាត់គឺល្អឥតខ្ចោះសម្រាប់បាល់ជ្រុង។ យើងបានឃើញវិធីដែលគាត់ហ្វឹកហាត់ និងបច្ចេកទេសរកគ្រាប់បាល់របស់គាត់ ពិតជាអស្ចារ្យ»។
រំលឹកឡើងវិញដែរថា ក្រុមបិសាចក្រហម Manchester United បានវាយបកលើក្រុម Atalanta ដើម្បីរកគ្រាប់បាល់បាន ៣ គ្រាប់នៅក្នុងតង់ទី ២ ដើម្បីទទួលបានជ័យជម្នះដ៏សំខាន់ ដោយសារគ្រាប់បាល់របស់ Marcus Rashford, Harry Maguire និង Cristiano Ronaldo៕
