អតីតតារាឆ្នើមរបស់ក្រុមហង្សក្រហម Liverpool លោក Jamie Carragher ជឿជាក់ថាលោក Ole Gunnar Solskjaer នឹងមិនអាចដឹកនាំក្រុមបិសាចក្រហម Manchester United ឲ្យឈ្នះពានរង្វាន់ក្របខ័ណ្ឌ Premier League ឬពានរង្វាន់ Champions League បានទេ ព្រោះគាត់មិនស្ថិតក្នុងកម្រិតអ្នកចាត់ការទូទៅផ្សេងទៀត។
អ្នកចាត់ការសញ្ជាតិន័រវេសរូបនេះ បានទទួលការរិះគន់យ៉ាងខ្លាំងក្នុងរយៈពេលប៉ុន្មានសប្តាហ៍ចុងក្រោយនេះ ចំពោះភាពអសមត្ថភាពរបស់គាត់ក្នុងការដឹកនាំក្រុមបិសាចក្រហម Manchester United បើទោះបីជាមានកីឡាករលំដាប់ពិភពលោកជាច្រើននៅក្នុងក្រុមរបស់គាត់ក៏ដោយ។ ការបរាជ័យ ៤-២ របស់ក្រុមបិសាចក្រហម Manchester United ក្រោមថ្មីជើងក្រុម Leicester City កាលពីថ្ងៃសៅរ៍ គឺជាការបរាជ័យលើកទី ២ របស់ពួកគេក្នុងការប្រកួតបីលើកក្នុងក្របខ័ណ្ឌ Premier League ។
លោក Carragher បានថ្លែងទៅកាន់ Sky Sports ថា៖ «Ole នឹងមិនឈ្នះពានរង្វាន់លីគ ឬ Champions League ក្នុងនាមជាអ្នកចាត់ការទូទៅរបស់ Man United ទេ គាត់មិនស្ថិតនៅក្នុងកម្រិតអ្នកចាត់ការទូទៅផ្សេងទៀតឡើយ»។
បញ្ជាក់ផងដែរថា លោក Ole Gunnar Solskjaer អាចដឹកនាំក្រុមបិសាចក្រហម Manchester United ឱ្យទទួលបានចំណាត់ថ្នាក់លេខ ៣ នៅ Premier League ក្នុងរដូវកាលដំបូងរបស់គាត់ជាមួយក្លឹប។ បិសាចក្រហមបានបញ្ចប់យុទ្ធនាការ ២០២០-២១ ក្នុងនាមជាជើងឯករង ក្រោយបរាជ័យក្រោមថ្វីជើង Manchester City ។ បច្ចុប្បន្ន Man Utd កំពុងឈរនៅលេខ ៦ ក្នុងតារាង Premier League បន្ទាប់ពីការប្រកួត ៨ លើកមាន ៥ ពិន្ទុតាមពីក្រោយក្រុម Chelsea ៕
