អតីតខ្សែប្រយុទ្ធក្រុមអធិរាជស Real Madrid លោក Antonio Cassano បានផ្តោតជាថ្មីម្តងទៀតទៅលើកំពូលតារាឆ្នើមរបស់ក្រុម Manchester United កីឡាករ Cristiano Ronaldo ដោយបង្ហាញថា តារាឆ្នើមព័រទុយហ្កាល់រូបនេះ មិនមែនជាកីឡាករបាល់ទាត់ដ៏អស្ចារ្យបំផុតគ្រប់ពេលនោះទេ។
ថ្លែងទៅកាន់គេហទំព័រ Tuttomercato លោក Cassano បានបញ្ជាក់ថា Lionel Messi, Diego Maradona, Johan Cruyff, Ronaldo Nazario និង Pele ជាកីឡាករដែលមានកម្រិតមួយផ្សេងទៀត បើប្រៀបធៀបទៅនឹង Ronaldo ។
រំលឹកឡើងវិញដែរថា កាលពីដើមឆ្នាំនេះ Cassano បាននិយាយពាក្យគួរឱ្យភ្ញាក់ផ្អើលមួយទៀត ដែលទាក់ទងនឹង Ronaldo ហើយបាននិយាយថាស្ថានភាពរបស់ក្រុម Juventus នឹងកាន់តែអាក្រក់ទៅៗ បន្ទាប់ពីគាត់មកដល់របស់ CR7៕
