កីឡាករ Kylian Mbappe និង Lionel Messi របស់ក្រុម Paris Saint-Germain បានជួយអោយក្លឹបវាយបកយកឈ្នះក្នុងលទ្ធផល ៣-២ ទៅលើក្រុម RB Leipzig សម្រាប់ការប្រកួតក្នុងក្របខណ្ឌ Champions League កាលពីយប់មិញ។
Mbappe ជាអ្នករកគ្រាប់បាល់ដំបូង ប៉ុន្តែអ្វីៗហាក់ប្រែប្រួលអស់ ក្រោយក្រុមមកពីក្របខណ្ឌបារាំងនេះត្រូវក្រុមភ្ញៀវស៊ុតបញ្ចូល ២គ្រាប់វិញដោយ Andre Silva និង Nordi Mukiele ។
រហូតមកដល់នាទី៦៧ Messi អាចរកគ្រាប់តាមស្មើរអោយ PSG បាន ដោយជាការបញ្ជូនបាល់យ៉ាងស្អាតរបស់ Mbappe។ ការប្រកួតនៅតែបន្តដល់នាទី៧៤ ក្រុមម្ចាស់ផ្ទះ បានគ្រាប់បាល់ពិន័យ ១១ម៉ែត្រមួយគ្រាប់ ដែល Messi ជាអ្នកស៊ុតបញ្ចូលទី ហើយនេះក៏ជាគ្រាប់បាល់ ជ័យជំនះផងដែរសម្រាប់ PSG៕
