យោងតាមព័ត៌មានបានឲ្យដឹងថា Lionel Messi ចង់ ឲ្យ PSG ចុះហត្ថលេខាជាមួយតារាឆ្នើម Sergio Aguero របស់ក្លឹប Barcelona ។ កីឡាករសញ្ជាតិអាហ្សង់ទីនរូបនេះ ត្រូវបានគេនិយាយថាចង់លេងជាមួយអតីតខ្សែប្រយុទ្ធក្រុម Manchester City ហើយក្រុមនៅក្របខ័ណ្ឌ Ligue 1 កំពុងរៀបចំសំណើមួយ។
បើតាមរបាយការណ៍នៅ El Nacional បានអោយដឹងថា Lionel Messi បានស្នើសុំឱ្យ PSG ចុះហត្ថលេខាជាមួយ Aguero ពីក្លឹប Barcelona ។ ក្រុមនៅក្របខ័ណ្ឌ Ligue 1 មានឆន្ទៈក្នុងការស្តាប់ ហើយកំពុងធ្វើការលើកិច្ចព្រមព្រៀងដើម្បីដោះដូរខ្សែប្រយុទ្ធអាហ្សង់ទីនរូបនេះ។
ការអះអាងរបស់សារព័ត៌មាន El Nacional គឺ Mauro Icardi នឹងក្លាយជាកីឡាករម្នាក់ ក្នុងកិច្ចព្រមព្រៀងដោះដូរដើម្បីទទួលបាន Sergio Aguero ។ អតីតខ្សែប្រយុទ្ធរបស់ក្លិប Inter Milan រូបនេះមិនមានភាពលេចធ្លោគួរឲ្យកត់សម្គាល់នៅក្លិបបារាំងឡើយ ហើយពួកគេកំពុងសម្លឹងរកការដោះលែងរូបគេក្នុងពេលឆាប់ៗនេះ។
គួររំលឹកដែរថា Sergio Aguero បានផ្លាស់ប្តូរដោយឥតគិតថ្លៃទៅកាន់ក្លឹប Barcelona នៅរដូវក្តៅនេះ បន្ទាប់ពីក្រុម Manchester City សម្រេចចិត្តមិនបន្តកិច្ចសន្យាថ្មីដល់គាត់៕
