យោងតាមសារព័ត៌មាន Manchester Evening News បានឲ្យដឹងថាលោក Ole Gunnar Solskjaer មិនសប្បាយចិត្តជាមួយនឹងក្រុមប្រឹក្សាភិបាលរបស់ក្រុម Manchester United ឡើយ ។
អ្នកចាត់ការសញ្ជាតិន័រវេស ចង់បានខ្សែបម្រើម្នាក់ទៀតនៅរដូវក្តៅនេះ ប៉ុន្តែបិសាចក្រហមមិនបានសម្រេចបំណងរបស់គាត់ឡើយ។ ក្លិបយក្សនៅក្របខ័ណ្ឌ Premier League បានបន្ថែមកីឡាករ Cristiano Ronaldo, Jadon Sancho និង Raphael Varane ប៉ុន្តែវាប្រែជាសម្ពាធកាន់តែខ្លាំងមកលើលោក Solskjaer ទៅវិញ។
ថ្វីបើមានការបន្ថែមកីឡាករឆ្នើមៗក៏ដោយ ក៏ក្រុមបិសាចក្រហម Manchester United ស្ថិតនៅលេខ ៦ និងលេខ ៧ ដោយខ្សែបម្រើរបស់ពួកគេហាក់ដូចជាមានភាពទន់ខ្សោយ។ Solskjaer បានចាប់អារម្មណ៍លើ Declan Rice, Eduardo Camavinga និង Leon Goretzka ប៉ុន្តែបិសាចក្រហមមិនទទួលបានសូម្បីតែម្នាក់ក្នុងចំណោមពួកគេ៕
