លោក Jurgen Klopp គ្រូបង្វឹកក្រុមហង្សក្រហម Liverpool បានកោតសរសើរមិនដាច់ពីមាត់ចំពោះ Mohamed Salah បន្ទាប់ពីក្រុមហង្សក្រហមបានបំបាក់ក្រុម Watford ៥-០ កាលពីថ្ងៃសៅរ៍ ដោយសរសើរខ្សែប្រយុទ្ធរូបនេះថាល្អបំផុតនៅលើពិភពលោក។
លោក Klopp បានប្រាប់ BT Sport បន្ទាប់ពីការប្រកួតថា៖ “ សម្រាប់ខ្ញុំគាត់គឺល្អបំផុត។ ប៉ុន្តែ Robert Lewandowski ក៏មិនអន់ដែរ ចំណែកឯ Cristiano Ronaldo នៅតែរកគ្រាប់បាល់បាន ហើយ Lionel Messi នៅតែអស្ចារ្យ។ ប៉ុន្តែនៅពេលនេះ Salah ច្បាស់ជាស្ថិតនៅកំពូលនៃបញ្ជីនោះហើយ” ។
Salah ទទួលបានគ្រាប់បាល់ និង Asist ដែលជាផ្នែកមួយនៃការប្រកួតដែលធ្វើឱ្យក្រុមហង្សក្រហម Liverpool ឈរនៅលើកំពូលតារាង Premier League ១ ពិន្ទុនាំមុខក្រុម Manchester City៕
