អតីតអ្នកចាត់ការទូទៅក្រុមបិសាចក្រហម Manchester United លោក Sir Alex Ferguson បានបង្ហាញពីជម្រើសរបស់គាត់សម្រាប់ពានរង្វាន់ Ballon d’Or ឆ្នាំ ២០២១ ។
បន្ទាប់ពីការប្រកាសពីបញ្ជីឈ្មោះកីឡាករ ៣០ នាក់សម្រាប់ពានរង្វាន់ Ballon d’Or ឆ្នាំនេះ លោក Sir Alex Ferguson បានថ្លែងទៅកាន់ MARCA ថា៖ «Cristiano Ronaldo សមនឹងឈ្នះពានរង្វាន់ Ballon d’Or ។ ឆ្នាំនេះគាត់បានបំបែកកំណត់ត្រាជាបន្តបន្ទាប់»។
ចាប់តាំងពីត្រលប់មកក្លឹបចាស់វិញ Ronaldo ពិតជាអស្ចារ្យសម្រាប់បិសាចក្រហម។ កីឡាករវ័យ ៣៦ ឆ្នាំរូបនេះបានស៊ុតបញ្ចូលទី ៥ គ្រាប់ក្នុងការបង្ហាញខ្លួនចំនួន ៦ លើកសម្រាប់ក្លិប។ គាត់ក៏បានស៊ុតបាល់បញ្ចូលទី ៣ គ្រាប់ផងដែរ អំឡុងពេលសម្រាកអន្ដរជាតិ នៅពេលដែលព័រទុយហ្កាល់ត្រូវជួបប្រកួតជាមួយលុចសំបួក្នុងវគ្គជម្រុះ FIFA World Cup ២០២២ របស់ពួកគេ៕
