ក្លឹប Barcelona កំពុងពិភាក្សាគ្នាយ៉ាងល្អិតល្អន់ជុំវិញការបន្តកុងត្រាថ្មីជាមួយកីឡាករ Pedri ដោយកីឡាករសញ្ជាតិអេស្ប៉ាញរូបនេះ បានត្រៀមខ្លួនរួចជាស្រេចក្នុងកិច្ចព្រមព្រៀងមួយដែលនឹងបន្តរហូតដល់ឆ្នាំ ២០២៦ ។
Barca ក៏គ្រោងនឹងរួមបញ្ចូលផងដែរនូវលក្ខខណ្ឌផ្តាច់កុងត្រា ដែលមានតម្លៃលើសពី ៦០០ លានផោន (៥០៩ លានផោន/៦៩៤ លានដុល្លារ) ខណៈដែលពួកគេព្យាយាមការពារផលប្រយោជន៍សក្តានុពលពីអ្នកចំណាយធំៗ មួយចំនួននៅអឺរ៉ុប។
ដូចដែលសារព័ត៌មាន Goal បានរាយការណ៍កាលពីថ្ងៃអង្គារថា Barca បានពិភាក្សាជាមួយ Pedri និង Ansu Fati ជុំវិញការពង្រីកកិច្ចសន្យា ទោះបីជាការចរចាត្រូវបានធ្វើឡើងដោយសារតែក្រុមរបស់លោក Ronald Koeman មិនអាចផ្តល់ប្រាក់ខែខ្ពស់ក៏ដោយ។
ក្នុងករណីរបស់ Pedri វាហាក់ដូចជាមានការសម្របសម្រួលមួយដោយកីឡាករអន្តរជាតិអេស្ប៉ាញវ័យ ១៨ ឆ្នាំរូបនេះ បានត្រៀមខ្លួនទទួលយកលក្ខខណ្ឌរហូតដល់ឆ្នាំ ២០២៦ ដែលនឹងបង្កើនប្រាក់ឈ្នួលរបស់គាត់ឱ្យបានគ្រប់គ្រាន់ ដើម្បីឆ្លុះបញ្ចាំងពីជំហររបស់គាត់នៅក្នុងក្រុម។
ថ្វីបើស្ថានភាពបច្ចុប្បន្នរបស់ខ្សែបម្រើរូបនេះ ជាកីឡាករកំពូលម្នាក់របស់ Barca បន្ទាប់ពីរដូវកាលដ៏គួរឱ្យចាប់អារម្មណ៍របស់គាត់កាលពីរដូវកាលមុន Pedri គឺជាសមាជិកម្នាក់ក្នុងចំណោមសមាជិកដែលមានប្រាក់ខែទាបបំផុតនៃក្រុមឈុតដំបូង៕
