បរទេស៖ ខ្សែបម្រើ Jesse Lingard របស់ក្រុមបិសាចក្រហម Manchester United អាចនឹងត្រូវដាក់លក់នៅក្នុងតម្លៃ ១៥លានផោន ប្រសិនជារូបគេមិនព្រមចុះហត្ថលេខាលើកិច្ចសន្យាថ្មីជាមួយក្លឹប។
កីឡាករវ័យ ២៨ ឆ្នាំរូបនេះកំពុងស្ថិតក្នុងឆ្នាំចុងក្រោយនៃកិច្ចសន្យារបស់គាត់ ហើយកំពុងស្វែងរកតំណែងមួយនៅក្នុងប្រព័ន្ធលេងរបស់លោក Ole Gunnar Solskjaer បន្ទាប់ពីគាត់ត្រូវបានខ្ចីជើងដោយក្រុម West Ham កាលពីរដូវកាលមុន។
នេះបើយោងតាមសារព័ត៌មាន The Sun បានអោយដឹងថា Lingard ចង់បានកៅអីមួយ ក្នុងជម្រើសដំបូង មុននឹងគាត់ចុះហត្ថលេខាលើលក្ខខណ្ឌដែលមានតម្លៃប្រហែល ១៣៥.០០០ ផោនក្នុងមួយសប្តាហ៍។ ហើយប្រសិនបើគាត់សម្រេចចិត្តចាកចេញុមែននោះ United ក៏មិនចង់បាត់បង់គាត់ដោយគ្មានបានអ្វីសោះឡើយ។
នៅរដូវកាលនេះ Lingard បង្ហាញខ្លួនបាន ៦ដងនៅគ្រប់កម្មវិធីទាំងអស់ ដោយរកបាន ២គ្រាប់ផងដែរ៕
ប្រភព៖ Daily Mail
