ទោះបីជាមានការនិយាយឥតឈប់ឈរ អំពីតំណែងរបស់លោក Ronald Koeman ជាគ្រូបង្វឹកក្រុម Barcelona ប៉ុន្តែគ្រូបង្វឹកសញ្ជាតិហូឡង់រូបនេះនៅតែរក្សាភាពស្ងប់ស្ងាត់ជានិច្ច។
ថ្មីៗនេះ មានព័ត៌មានជាច្រើនដែលបានចុះផ្សាយនិយាយអំពី កៅអីរបស់គ្រូបង្វឹកក្លិប Barca ខណៈដែលក្លិបបានបង្ហើបពីតម្រុយខ្លះៗ ចំពោះបេក្ខភាព ដើម្បីមកជំនួសលោក Koeman។
នៅក្នុងសន្និសីទសារព័ត៌មានលោក Koeman និយាយថា “មិនចាំបាច់អ្នកប្រាប់ទេ ខ្ញុំមានត្រចៀក ខ្ញុំមានភ្នែក ហើយខ្ញុំអាចដឹងថាមានរឿងអ្វី”។
លោកបន្ថែមថា “ខ្ញុំមិនដឹងទេ ថាតើខ្ញុំត្រូវនិយាយជាមួយគ្រូបង្វឹកម្នាក់ទៀតដែរឬទេ0x017d7” ប្រសិនបើខ្ញុំមានលុយ នោះ Messi នឹងនៅទីនេះ ហើយខ្ញុំនឹងនាំយកកីឡាករល្អៗផ្សេងទៀតមកលេងបាល់ទាត់។ ”
គួរបញ្ជាក់ថា នេះប្រហែលជាសន្និសីទសារព័ត៌មានចុងក្រោយរបស់លោក Koeman ក្នុងនាមជាគ្រូបង្វឹកក្រុមបាសេឡូណា ដែលជាភស្តុតាងដោយសំនួរអំពីពេលវេលាល្អបំផុតរបស់គាត់ក្នុងការដឹកនាំ៕
