យោងតាមរបាយការណ៍បានឲ្យដឹងថា ក្លឹបសេះបង្កង់ Juventus និងហង្សក្រហម Liverpool កំពុងតាមសំឡឹងខ្សែប្រយុទ្ធ Marco Asesnio របស់ក្លឹប Real Madrid នៅឯលីគកំពូលអេស្ប៉ាញ។
នោះគឺខ្សែប្រយុទ្ធស្លាប Marco Asesnio ដែលជាកីឡាករក្រៅជម្រើសរបស់លោក Carlo Ancelotti ហើយជាក់ស្តែងនៅរដូវកាល ២០២១/២២ គេទើបតែបានបង្ហាញខ្លួនលើទីលានជាង ៦០ នាទីប៉ុណ្ណោះ។
ដោយមើលឃើញគុណភាពរបស់គេនៅល្អ ហើយកត្តាអាយុក៏នៅក្មេងខ្ចី ទើបតែមានវ័យ ២៥ ឆ្នាំ ហេតុនេះក្លឹបទាំងពីរខាងលើ កំពុងមានចិត្តចង់ចែចូវនៅទីផ្សារដោះដូររដូវរងា ឆ្នាំ ២០២២ ខាងមុខ។
រំឭកថា អតីតកីឡាករក្លឹប Mallorca នៅសេសសល់សុពលភាពកុងត្រាជាមួយ Real Madrid ដល់ចុងខែមិថុនា ឆ្នាំ ២០២៣។ បើក្លឹបណាចង់បាន Asensio នោះ តាមដឹងអាចជាត្រូវចាយចន្លោះពី ៣៥ ទៅ ៥០ លានអឺរ៉ូ៕
