បារាំង៖ នេះបើយោងតាមសារព័ត៌មាន Le Parisien ដែលបានចេញផ្សាយនៅថ្ងៃទី១៨ ខែកញ្ញា ឆ្នាំ២០២១នេះ បានអោយដឹងថា ក្លឹបបាល់ទាត់ AS Saint-Etienne ស្ថិតនៅក្របខណ្ឌកំពូលរបស់បារាំង ដែលបានប្រកាសលក់តាំងពីថ្ងៃទី១៣ ខែមេសា ឆ្នាំ២០២១កន្លងទៅ ត្រូវបានព្រះអង្គម្ចាស់ នរោត្តម រ៉ាវីចក្រ បានដាក់សំណើរទិញ ក្នុងតម្លៃ ១០០លាន យូរ៉ូ។
បើតាមប្រភពដដែលបានអោយដឹងថា ខាងក្លឹបនៅមិនទាន់មានការឆ្លើយតបណាមួយចំពោះសំណើរនេះនៅឡើយទេ។ ហើយសំណើរខាងលើ នឹងត្រូវយកមកពិភាក្សានៅក្នុងថ្ងៃនេះផងដែរ។
គួរបញ្ជាក់ថាព្រះអង្គម្ចាស់ នរោត្តម រ៉ាវីចក្រ គឺត្រូវជាចៅប្រុសរបស់ព្រះបាទនរោត្តមសីហនុ ព្រះបរមរតនកោដ្ឋ៕
ប្រភព៖ Le Parisien
