នាយកក្លឹបសេះបង្កង់ Juventus លោក Federico Cherubini បានលើកយកហេតុផលថា Cristiano Ronaldo ចាកចេញពីក្លឹបយក្ស Serie A ទៅកាន់ក្រុម Manchester United ជាជាង Man City ដែលជាគូប្រជែងនិងគ្នា ដោយបិសាចក្រហមមានអាកប្បកិរិយា“ ចាស់ទំ” ក្នុងការចរចាផ្ទេរ។
គួរបញ្ជាក់ថា នៅចុងបញ្ចប់នៃរដូវកាលដោះដូរកីឡាកររដូវក្តៅ បានបង្ហាញឱ្យឃើញថាតារាឆ្នើមសញ្ជាតិព័រទុយហ្កាល់រូបនេះ មិនមានបំណងចង់បន្តនៅទីក្រុងទូរីនឡើយ ហើយនឹងដើរចេញពីឆ្នាំចុងក្រោយ នៃកិច្ចសន្យារបស់គាត់នៅប្រទេសអ៊ីតាលី។
ដំបូង Man City បានចូលរួមប្រជែង ដើម្បីចង់បាន Ronaldo ប៉ុន្តែលោក Cherubini សារភាពថាម្ចាស់ជើងឯកក្របខ័ណ្ឌ Premier League មានចេតនាមិនចង់បង់ថ្លៃឈ្នួល Ronaldo ទេ ខណៈដែល Man United បានត្រៀមលក្ខណៈសមរម្យជាង មុនពេលពិភាក្សាផ្ទេរ ក្នុងតម្លៃ (២០ លានផោន/២៧ លានដុល្លារ)៕
