គ្រូបង្វឹកក្រុមតោខៀវ Chelsea លោក Thomas Tuchel និយាយថា Christian Pulisic នឹងខកខានការប្រកួត ចំនួន៣ ដោយសារតែរបួសកជើង។
ខ្សែបម្រើស្លាបសញ្ជាតិអាមេរិកវ័យ ២២ ឆ្នាំរូបនេះ បានរងរបួសអំឡុងពេលជួយក្រុមជម្រើសជាតិអាមេរិក ទទួលជ័យជម្នះ ៤-១ លើក្រុមហុងឌូរ៉ាស ក្នុងការប្រកួតវគ្គជម្រុះ World Cup។
គួររំលឹកថា Pulisic បានខកខានការប្រកួតក្របខ័ណ្ឌ Premier League ពីរលើកចុងក្រោយរបស់ Chelsea រួចទៅហើយ បន្ទាប់ពីវិជ្ជមានកូវីដ-១៩។ ជាមួយគ្នានោះដែរ ខ្សែបម្រើសួតដែក N’Golo Kante ក៏មិនអាចលេងបានដែរ ខណៈដែលរបួសរបស់គេបានរើឡើងវិញ។
ក្រុមតោខៀវ Chelsea អាចនឹងមិនមាន Thiago Silva សម្រាប់ការប្រកួតនៅថ្ងៃសៅរ៍នេះ បន្ទាប់ពី FIFA បានកាត់ក្តីកីឡាករ ៨ រូបនៅ Premier League ដែលមិនមានសិទ្ធិប្រកួតនៅចុងសប្តាហ៍នេះ៕
សូមទស្សនាវីដេអូខាងក្រោម៖
https://www.youtube.com/watch?v=6q8mNgnpljc
