ក្លិបបិសាចក្រហម Manchester United ប្រកាសជាផ្លូវការថា Cristiano Ronaldo នឹងពាក់អាវលេខ ៧ សម្រាប់ការត្រលប់មកកាន់ទឹកដី Old Trafford ជាថ្មី ក្រោយផ្លាស់ចេញពី Juventus ក្នុងថ្ងៃចុងក្រោយនៃការដោះដូររដូវក្ដៅនេះ ។
កំពូលខ្សែប្រយុទ្ធព័រទុយហ្កាល់រូបនេះ ទទួលបានភាពល្បីល្បាញជាមួយអាវលេខ ៧ កាលពីពេលចូលរួមជាមួយ Man Utd លើកទី ១ ប៉ុន្ដែមានការបារម្ភថា ម្ចាស់ពាន Ballon d’Or ៥ សម័យរូបនេះមិនអាចពាក់លេខនេះសម្រាប់រដូវកាល ២០២១-២២ ដោយសារលេខនេះជារបស់ Edinson Cavani ។
ទោះយ៉ាងណាក្ដី ក្រោយការចាកចេញរបស់ Daniel James ទៅកាន់ Leeds United នៅថ្ងៃចុងក្រោយនៃការដោះដូរ បានអនុញ្ញាតឱ្យ Cavani ប្ដូរទៅពាក់លេខ ២១ ដែលជារបស់ខ្សែប្រយុទ្ធស្លាប ជនជាតិវេលស៍ ខណៈលេខ ៧ ត្រូវបានប្រគល់ទៅឱ្យ Ronaldo វិញ ៕
