ក្លិបតោខៀវ Chelsea ត្រូវបានគេរាយការណ៍ថា កំពុងស្នើសុំខ្ចីជើងខ្សែបម្រើ Saul Niguez របស់ក្លិប Atletico Madrid ខណៈដែលខ្សែបម្រើសញ្ជាតិអេស្ប៉ាញរូបនេះ ត្រូវបានផ្តល់ជូនដល់ក្រុមកំពូលៗ នៃក្របខ័ណ្ឌ Premier League មុនពេលទីផ្សារដោះដូរកីឡាករបិទ ហើយអាចជាការចាប់អារម្មណ៍របស់លោក Thomas Tuchel។
ខ្សែបម្រើអន្តរជាតិអេស្ប៉ាញវ័យ ២៦ឆ្នាំរូបនេះ អាចរកបានក្នុងកិច្ចសន្យាបណ្តោះអាសន្ន សម្រាប់ថ្លៃប្រាក់កម្ចីដ៏ធំមួយ ដោយជម្រើសនោះមានការចាប់អារម្មណ៍ ចំពោះក្រុមតោខៀវច្រើនជាងការផ្ទេរជាអចិន្ត្រៃយ៍។
ជាមួយគ្នានោះ ក្រុម Atletico ដែលមានទំនាក់ទំនងល្អ ជាមួយក្រុមតោខៀវ Chelsea ក៏កំពុងសម្លឹងរកមើលកន្លែងទំនេរខ្លះ នៅលើវិក័យប័ត្រប្រាក់ឈ្នួលរបស់ពួកគេ ដើម្បីជួយដល់ការផ្លាស់ប្តូរកីឡាករ Matheus Cunha របស់ Hertha Berlin ផងដែរ៕
