ដោយសារតែ Lionel Messi និង Neymar ទើបតែឈានដល់ថ្ងៃបញ្ចប់ នៃការឈប់សម្រាករៀងៗខ្លួន អ្នកទាំង២ត្រូវបានអ្នកគាំទ្រទូទាំងពិភពលោក កំពុងតាមមើលយ៉ាងយកចិត្តទុកដាក់បំផុត ដោយហេតុផលផ្សេងៗគ្នា។
ខណៈអ្នកគាំទ្រក្រុម Barcelona កំពុងរង់ចាំយ៉ាងអន្ទះសារ នូវដំណឹងថាកីឡាករអាហ្សង់ទីនរូបនេះ នឹងចុះកុងត្រាថ្មីនៅឯកីឡដ្ឋាន Camp Nou ឬទេ បន្ទាប់ពីកិច្ចព្រមព្រៀងចុងក្រោយរបស់គាត់បានបញ្ចប់នៅចុងខែមិថុនា។ រូបថតថ្ងៃឈប់សម្រាករបស់ម្ចាស់អាវលេខ ១០ បានបង្ហាញថាគាត់មានរាងស្អាត។ គាត់ថែមទាំងបានបង្ហោះរូបថត និងវីដេអូដែលគាត់សប្បាយរីករាយជាមួយប្រពន្ធរបស់គាត់ទៀតផង។
ទន្ទឹមនឹងនេះដែរ Neymar ក៏កំពុងស្ថិតនៅ Ibiza ។ កីឡាករសញ្ជាតិប្រេស៊ីលរូបនេះ ត្រូវបានគេមើលឃើញថា មានភាពទ្រលុកទ្រលន់ ជាមួយនឹងក្បាលពោះបន្តិច ហើយអ្នកគាំទ្របានប្រៀបធៀបរាងរបស់គេជាមួយ Messi ៕
