ក្រុមតោខៀវ Chelsea សង្ឃឹមថានឹងអាចបញ្ចុះបញ្ចូល Inter ឱ្យព្រមលក់ កីឡាករ Romelu Lukaku ដោយធ្វើការដេញថ្លៃក្នុងរដូវក្តៅនេះ។
បន្ថែមពីនោះ ក្រុមម្ចាស់ជើងឯក UEFA នៅក្របខ័ណ្ឌ Premier League មានឆន្ទៈក្នុងការផ្តល់ជូន Marcos Alonso ដល់ក្រុមនៅក្របខ័ណ្ឌ Serie A ដើម្បីបញ្ចុះបញ្ចូល Inter Milan ព្រមលក់ខ្សែប្រយុទ្ធប៊ែលហ្ស៊ិកវ័យ ២៨ឆ្នាំរូបនេះផងដែរ។
យ៉ាងណាមិញ Chelsea ជឿជាក់ថា ពួកគេអាចយកចំណេញ ពីផ្នែកហិរញ្ញវត្ថុរបស់ Inter ហើយការផ្តល់ជូនដ៏ធំមួយនេះ នឹងធ្វើឱ្យពួកគេពិចារណា អនុញ្ញាតឱ្យតារាឆ្នើមបែលហ្ស៊ិករូបនេះចាកចេញ៕
