ខ្សែការពាររបស់ក្រុម Aston Villa កីឡាករ Tyrone Mings និយាយថា សុខភាពផ្លូវចិត្តរបស់គាត់ បានធ្លាក់ចុះយ៉ាងខ្លាំង នៅអឺរ៉ូ២០២០ ខណៈដែលគេបាននិយាយអំពី ការតស៊ូរបស់គេនៅរដូវក្តៅនេះ ក៏ដូចជាបទពិសោធន៍ ជាមួយនឹងការរើសអើងជាតិសាសន៍យ៉ាងធ្ងន់ធ្ងរ។
ខ្សែការពារអង់គ្លេសវ័យ ២៨ឆ្នាំរូបនេះ បានសារភាពថាគាត់មានអារម្មណ៍ឯកោ ក្នុងការប្រកួតរដូវក្តៅនេះ ដោយសារគាត់ខ្វះបទពិសោធនៅប្រទេសអង់គ្លេស ដែលនាំឱ្យមនុស្សជាច្រើន សង្ស័យគាត់មុនពេលគាត់ចាប់ផ្តើមជំនួស Harry Maguire ដែលរងរបួស ក្នុងការប្រកួតពីរលើកដំបូងនៃការប្រកួត។
ទោះជាយ៉ាងណា តារាឆ្នើមរបស់ក្រុម Aston Villa រូបនេះ ក៏បានពិភាក្សាចែករំលែកអំពីបទពិសោធន៍របស់គាត់ ជាមួយនឹងការរើសអើងជាតិសាសន៍ រួមទាំងការរំលោភបំពាន ដែលមិត្តរួមក្រុមរបស់គាត់ ទទួលបាននៅរដូវក្តៅនេះ៕
