ក្លិបយក្សអាល្លឺម៉ង់ Bayern Munich កំពុងបើកការចរចាគ្នាជាមួយក្លិបអ្នកមានបុណ្យ Barcelona លើការនាំយកខ្សែការពារស្លាបស្តាំ Sergi Roberto មករួមក្រុមក្នុងលក្ខខណ្ឌខ្ចីជើង ជាមួយនឹងជម្រើសទិញផ្តាច់។
ជាការពិតណាស់ កុងត្រារបស់ Roberto ជាមួយ Barcelona នៅសេសសល់តែរយៈពេលមួយរដូវកាលទៀតប៉ុណ្ណោះ ពោលគឺ Barca មិនចង់ឲ្យកីឡាករសញ្ជាតិអេស្ប៉ាញខាងលើ ចាកចេញដោយគ្មានតម្លៃខ្លួនឡើយ ដូច្នេះក្លិបក៏កំពុងពិចារណាផ្ទេរគេទៅកាន់ Bayern Munich ផងដែរ។
មូលហេតុដែល Bayern Munich ចាប់អារម្មណ៍ចង់បាន Roberto នោះ គឺ ដោយសារក្លិបត្រូវការអ្នកប្រកួតប្រជែងបន្ថែមក្នុងតំបន់ខ្សែការពារស្លាបស្តាំ ដែលបច្ចុប្បន្នមាន Benjamin Pavard និង Bouna Sarr ខណៈ Josip Stanisic និង Chris Richards មានវ័យក្មេងពេក និងមិនមានសមត្ថភាពគ្រប់គ្រាន់ ដើម្បីប្រជែងកៅអីលេងជម្រើសដំបូងឡើយ៕
